ديوان جديد للشاعرة الأمازيغية خديجة أروهال

“Azawan n urmmaD” n Khadija Arouhal

yat twckint gh urti n tmdyazt tawtmant gh Souss.
 Tkcm taskla tamazight tawtmant gh Souss s umzruy zg iggura mqqurnin, ingi d wasif n usnflul gh igr n tirra d usayrur n tguriwin.

Irghud i ultmatngh khadija Arouhal f tlalit n twckint ns tamzwarut n tmdyazin bahra iZiln mi tga s wassagh “aZawan n urmmaD” “La musique de la Ig udlis ad wis sin gh usrir n tmdyazt dar tawtmt gh souss Darat n ''Iludi'' n khadija ikan mqqar n ur myagaln yat gh tlalit nsn.
douleur”.



Macc adlis ad amaynu n tmdyazt ngh imqqurn khadija Arouhal ur igi amzwaru ns gh tirra s tmazight, acku tura yad yan udlis, anaw n tullist, tamZ sis tasmghurt n 2M, arra ad rad as tt ti d tDi 2M gh ma d nn ur yaggugn igh t inna wakuc mqqurn.


Tadla yad n tmdyazt ngh tettyara s uskkil alatin d tfinagh, yili gis 119 n tasna d 14 n tmdyazt assagh nnsnt iga mkad:

Tarwla

Afllun

Talalit

Tafaska

TaZZit n wangha

Tidi

Ifalan n-uzTTa

Afus n tmlla

AnZar

Yuda

Azal

iD

Addal n tghufi

Arra ad n Arouhal iffgh-d s twisi n tmsmunt n tamaynut n Tiznit, iskr as mass M.Oussous la correction d la mise en forme d tazwart ns yura tt mass Abdellah Lmnnani, d tawlaft n udlis tin mass M. Mellal d la conception ns tskr as tt Mme Aziza Nafia, ig nn gwmat ngh mass Salah Agram-Itri tuggas ns yazzl f warrad ad amaynu n ultmatngh Khadija Arouhal aylligh-d ilal zgh tzazwlt (imprimerie) n sidi moumen zgh casa.

Tamdyazt n Khadija Arouhal isaffn n tufrayin, n tayri d tguDi d tismin (la jalousie) f tskla d uskkil amazigh.


Izlan ns ar gik skarn aylal, awink s wassa ignwan, zuzzrn iman nk ard ig ntta s ixf ns izlan ingd nn gh twwargiwin.


Tiguriwin ns zund iklan n tslit unZar ar ghwmmant gh ul kksnt taghufi gh tasa, rwlnt sik s isan n umarg.


Khadija Arouhal tiws gh mnnaw n inmuqqar n tmdyazt d tusna ar takka tugga f mami tZDar tamghart Tamazight gh usays n tusna, tml d is tga tanggut n urgaz gh kra i gat abaraz gh tudrt.